Pyetje të Shpeshta

• Çfarë është USAID-i?
• Në cilët sektorë fokusohet USAID-i?
• Për sa kohë ka punuar USAID-i në Shqipëri?
• Si mund të marr financime prej USAID/Shqipërisë?
• Si mund të aplikoj për në një vend pune me USAID/Shqipërinë?
• Do të dëshiroja të kërkoja leje për të përdorur materiale (imazhe) prej faqes suaj të internetit në prezantimet apo në botimet e mia.

Çfarë është USAID-i?

Agjencia e Shteteve të Bashkuara për Zhvillim Ndërkombëtar (USAID) është një agjenci e pavarur që siguron asistencë ekonomike, zhvillimi dhe humanitare në të gjithë botën, në mbështetje të qëllimeve të politikës së jashtme të Shteteve të Bashkuara.

  

Me zyrat qendrore në Uashington, D.C., dhe misione në terren në Afrikën Sub-Sahariane, në Azi dhe në Lindjen e Afërme, në Amerikën Latine dhe në Karaibe, dhe në Evropë e në Euroazi, USAID-i ka zbatuar programe ekonomike dhe humanitare të asistencës së jashtme Amerikane që nga viti 1961.

 

USAID-i punon në mëse 100 vende të botës dhe menaxhon një buxhet prej afro 9.5 miliardë dollarë.

Në cilët sektorë fokusohet USAID-i në Shqipëri?
Në bazë të vlerësimit të nevojave aktuale të vendit në përputhje me qëllimet e diplomacisë transformuese të Qeverisë së Shteteve të Bashkuara, USAID/Shqipëri zbaton programe në katër fusha:

• Nxitja e Rritjes Ekonomike dhe Mirëqenia
• Qeverisja me Drejtësi dhe Mënyrë Demokratike
• Investimi në Njerëz
• Arritja e Paqes dhe e Sigurisë

Për sa kohë ka punuar USAID-i në Shqipëri?
USAID-i ka nisur të punojë në Shqipëri që prej vitit 1992. Gjatë kësaj kohe, USAID/Shqipëri, përmes Fondit ”Mbështetja për Demokracinë në Evropën Lindore” (SEED), ka shpërndarë më shumë se 414 milionë dollarë në ndihmë të mbështetjes së tranzicionit të Shqipërisë dhe zhvillimit të saj afatgjatë.

Programi i asistencës së USAID-it synon të ndihmojë ecjen përpara të Shqipërisë brenda komunitetit të vendeve demokratike dhe të drejtuara drejt tregut, që të bëhet një forcë në promovimin e paqes, të stabilitetit dhe të mirëqenies në tërë Evropën Juglindore.

USAID/Shqipëri zbaton sot një program të një diapazoni të gjerë që synon nxitjen e rritjes ekonomike dhe zvogëlimin e varfërisë, forcimin e institucioneve demokratike dhe të shoqërisë civile, përmirësimin e sistemit ligjor dhe uljen e korrupsionit, rritjen e efikasitetit të sistemit parësor të kujdesit shëndetësor, trafikimit të personave.

 

Si mund të marr financime prej USAID/Shqipëri?
USAID-i punon në partneritet të ngushtë me organizata private vullnetare me qendër në SHBA, me institucione vendase, me biznese amerikane dhe agjenci të tjera kombëtare dhe ndërkombëtare.

 

Mundësi biznesi dhe grantesh publikohen në faqen e internetit “USAID Biznes & Prokurime”: www.usaid.gov/business/. Nëse jeni të interesuar të paraqisni një propozim “të bërë pa kërkesën tonë” për shqyrtimi nga USAID-i, ndiqni udhëzimet e dhëna në Buletinin për Informacionin mbi Kontratat, Nr. 98-18. Gjithashtu, Avokati i USAID-it për Blerjet dhe Asistencën (A&A) është i gatshëm t’u përgjigjet pyetjeve në Ombudsman@usaid.gov ose në faqen e internetit Avokati për A&A.     

 

Si mund të aplikoj për në një vend pune me USAID/Shqipërinë?
Mundësitë e punësimit për shtetasit amerikanë mund të publikohen në faqen kryesore të internetit në: www.usaid.gov/careers/. Aktualisht mundësitë për të punuar në Programin e Profesionistëve të Rinj (Shërbimi i Punëve të Jashtme), në të Punësuarit në Nivelin e Mesëm të Karrierës (Shërbimi i Punëve të Jashtme) dhe disa vende pune për Shërbimin Civil janë të kufizuara.

 

 Për shtetasit jo-amerikanë të interesuar për t’u punësuar pranë Misionit të USAID/Shqipëri, duhet të aplikoni drejtëpërsëdrejti në Mision. Shprehja e interesit dhe rezymeja (apo materiale të tjera të përshtatshme) mund t’i dërgohen USAID/Shqipërisë.

 

Do të dëshiroja të kërkoja leje për të përdorur materiale (imazhe) prej  faqes suaj të internetit në prezantimet apo në botimet e mia.
Në rast se nuk është shënuar ”të drejtat të rezervuara”, informacioni në këtë faqe interneti është për përdorim publik dhe mund të riprodhohet, të botohet ose  të përdoret pa lejen e USAID/Shqipërisë. Ne kërkojmë që USAID/Shqipëri të përmendet si burim i informacionit dhe se çdo autorësi fotoje ose citim të përmendë fotografin, ose autorin, ose USAID-in, sipas rastit. Nëse të drejtat janë të rezervuara për një foto, grafik apo çfarëdo materiali tjetër, leja për këto materiale duhet marrë prej burimit origjinal.