Ndërtimi i Aleancave të Zhvillimit

VËSHTRIM I PËRGJITHSHËM
Gjatë dy dekadave të fundit kanë ndodhur ndryshime themelore në burimet e financimit të zhvillimit ekonomik në botë. Dikur e dominuar prej ndihmës së huaj të ofruar zyrtarisht nga qeveria, tanimë është arena për shumë aktorë. Burimet joqeveritare sot zënë rreth 80 për qind të burimeve në zhvillimin ekonomik të vendeve në zhvillim, nëse e krahasojmë më 30 për qind që ishte gjatë viteteve 1970-të. Shumë prej këtyre burimeve jopublike vijnë prej sektorit privat.

Mbi kompanitë ushtrohet një presion gjithmonë në rritje që ato të bëhen novatore dhe të përdorin kompetencat e tyre bazë në gjetjen e zgjidhjeve për problemet e varfërisë dhe të zhvillimit të tilla si: mungesa e disponueshmërisë së medikamenteve, uji dhe higjiena publike, energjitika dhe sigurimi i ushqimeve, teknologjia dixhitale, kredimit dhe arsimimi. Thënë shkurt, bizneseve u kërkohet që të shndërrohen në ‘një forcë e të mirës” ndërsa mbeten ende konkurruese dhe përfitojnë nga pjesëmarrja e tyre në treg.

Ky mjedis në ndryshim, i ka kërkuar USAID-it, si donatori më i madh global dypalësh, që të rimendojë strategjinë e zhvillimit të ndihmës së huaj të ofruar dhe të krijojë partneritete me sektorin privat, shpesh të referuar si aleanca publike private ose partneritete ndërsektoriale. Brenda USAID-it ato njihen me termin “Aleanca të Zhvillimit Global”. Modeli i aleancave përfshin grumbullimin e njohurive të përbashkëta, të aftësive dhe të burimeve të USAID-it me ato të sektorit privat dhe të partnerëve të tjerë. Ato bashkojnë përgjegjësitë dhe angazhimet për burime në fusha të veçanta bashkëpunimi. Në krijimin e një marrëdhënieje të tillë, USAID-i dhe partnerët e tij identifikojnë së bashku zgjidhje të cilat përdorin ekpertizën që secila prej palëve sjell në tryezë. Duke punuar me partnerë, aleancat kanë një efekt shumëfishues duke pasur një ndikim më të madh sesa ai që do të ishte realizuar nëse partnerët do të kishin punuar në mënyrë të pavarur.

Bashkëpunimet mes partnerëve të shumtë mund të jenë katalizatorë të fuqishëm për ndryshimin dhe një mekanizëm i vlefshëm për të ofruar zgjidhje eficiente, efektive dhe të barabarta për sfidat e zhvillimit.

FOKUSI I PROGRAMIT
Aleanca e Zhvillimit Global e USAID-it shërben si një katalizator për të nxitur ide, përpjekje dhe burime për sektorët publikë dhe privatë, pa harruar edhe organizatat jo-fitimprurëse në mbështetje të objektivave të përbashkët. Duke qenë pjesë e një partneriteti, USAID-i mund të zhvillojë marrëdhënie cilësore afatgjata me aktorë të tjerë kyç në shoqëri, marrëdhënie cilësore, të cilat i qëndrojnë testit të kohës dhe mundësojnë zhvillimin e duhur sipas rrethanave specifike të projekteve dhe të programeve të rëndësishme, të cilat me kalimin e kohës bëhen të vetëqëndrueshme. Ekziston një numër projektesh që USAID/Shqipëri po zhvillon përmes partneriteteve me qeverinë vendore, bizneset dhe të tjerë. Ne e mirëpresim interesin e partnerëve të rinj.

Ç’ËSHTË ZHVILLIMI I ALEANCAVE GLOBALE?
Një aleancë është një marrëveshje mes dy a më shumë palëve që të përcaktojnë bashkarisht një problem zhvillimi dhe të kontribuojnë në zgjidhjen e tij.

Partnerët e aleancave ndajnë bashkë burime, rreziqe dhe shpërblimet në ndjekjen e një objektivi, që mund të arrihet më mirë, nëse punohet së bashku. Qëllimi i saj: të sjellë bashkë rezultate më të mëdha përmes kombinimit të forcave të partnerëve të shumtë në përmbushjen e një problemi zhvillimi. Forca shtytëse është dallimi se çdo pjesë është e aftë të ofrojë burime domethënëse që pala tjetër nuk i disponon, dhe duke punuar së bashku mund të arrijnë një vlerë më të madhe, më eficiente, në krahasim me atë që do të kishin arritur nëse do ta kishin ndërmarrë të vetëm këtë zgjidhje.

Rregullat e USAID-it për modelin e Aleancave të Zhvillimit Global kërkojnë të paktën një koordinim fondesh në raportin 1:1. Ndërsa qeveritë kombëtare dhe vendore, dhe donatorë të tjerë të huaj janë të mirëpritur për t’u bërë anëtarë të aleancave, talentet të cilat gjenden në sektorin privat dhe në njohuritë që ata disponojnë janë kyç në maksimizimin e ndikimit të projekteve. 

PARTNERËT E ALEANCAVE MUND TË PËRFSHIJNË:

• Bizneset private, shoqatat e biznesit dhe të tregtisë
• Fondacionet
• Liderët filantropë, duke përfshirë  edhe Kapitalistët e Sipërmarrjeve
• OJF-të, Organizatat e bamirësisë
• Organizatat rajonale dhe ndërkombëtare
• Universitetet dhe kolegjet
• Grupet civile
• Qeveritë e tjera donatore, agjencitë e huaja të zhvilimit, qeveritë e vendeve të tjera
• Grupet e avokatisë
• Të tjera

KONTAKTONI: 
John Brannaman, Shefi i Zyrës së Programit të USAID-it 
Brunilda Muça, Këshilltare për Zhvillimin e Alenacave të USAID/Shqipërisë
Tel: +355 42 247 285
http://albania.usaid.gov/