VËSHTRIM I PËRGJITHSHËM
Nisma e Vendit në Fokus u zhvillua në vitin 2008 prej ish-Administratores së USAID-it, zj. Henrieta For, si një përqasje “e mbarë qeverisë” për planifikimin dhe përmbushjen e nismave të zhvillimit, të mbrojtjes dhe ato diplomatike në vendet në të cilat aktualisht operon Misioni i USAID-it. Ky grupim strategjik i programeve të ndryshme të asistencës është njëra prej mënyrave për të përdorur në mënyrë efektive burimet e  Qeverisë së Sh.B.A.-së për të përmbushur qëllimet e politikës së jashtme.

Misioni i Sh.B.A.-së në Shqipëri u përzgjodh si njëri prej pesë ‘vendeve në fokus’ në mënyrë që të rrisë përqendrimin strategjik dhe të koordinojë burimet mes Agjencisë së Shteteve të Bashkura për Zhvillim Ndërkombëtar (USAID), Zyrës së Bashkëpunimit Ushtarak dhe Departamentit të Shtetit.

Përgjatë datave 11-12 mars 2009, Misioni i Sh.B.A.-së në Shqipëri organizoi një seminar dyditor për marrëdhëniet civile-ushtarake të Sh.B.A.-së në Tiranë, me pjesëmarrjen e përfaqësueve nga Zyra Qendrore e USAID-it në Uashington, D.C., nga Zyra e Sekretarit të Mbrojtjes, si dhe nga Komanda e Shteteve të Bashkuara në Evropë (EUCOM) me qendër në Shtutgart të Gjermanisë.

Pas seminarit, Misioni i Sh.B.A.-së në Shqipëri dhe Departamenti i Mbrojtjes nënshkruan një Marrëveshje Mirëkuptimi që angazhon organizatat të vazhdojnë takimet dhe koordinimet me njëri-tjetrin për të parë ecurinë e këtyre propozimeve fillestare të përmbushen, për të vlerësuar më tej ndikimin dhe suksesin e tyre, për të gjeneruar veprimtari  të përbashkëta në të ardhmen dhe për të bashkëpunuar më ngushtësisht në zhvillimin e planeve në nivel kombëtar.

FOKUSI I PROGRAMIT

• Përmirësimi i shëndetit publik bazë dhe ndikimi i tij në shëndetsinë shqiptare
• Vazhdimi i çarmatimit dhe koordinimi i shkatërrimit të municioneve
• Fuqizimi i përgatitjes për fatkeqësitë natyrore dhe koordinimi i emergjencave