Foto nga: USAID/Shqipëri

Investimi në Njerëz

Situata Aktuale
Sipas një vlerësimi të Organizatës Botërore të Shëndetësisë të zhvilluar në vitin 2005, popullsia dhe profili i sëmundjeve në Shqipëri po ndryshon dhe sistemi i kujdesit shëndetësor në Shqipëri nuk ka përgatitjen e duhur për t’u përballuar me shpeshtësinë në rritje të sëmundshmërisë dhe rreziqeve të tjera ndaj shëndetit. Sistemi i shërbimit – megjithë mungesën e standardeve në ofrimin e pajisjeve dhe të shërbimit mjekësor, ka nisur të përmirësojë aftësitë e mjekëve, infermierëve dhe të mamive përmes edukimit mjekësor të vazhdueshëm dhe të zgjerojë mbledhjen sistematike të të dhënave shëndetësore për planifikimin dhe marrjen e vendimeve. Shpenzimet gjithmonë të pamjaftueshme, terapitë jo efikase të ilaçeve dhe aftësitë e kufizuara mjekësore sjellin cilësi të dobët të kujdesit shëndetësor dhe përdorim joefikas të burimeve. Korrupsioni dhe nivelet e ulëta të investimeve publike dhe private në këtë sektor dobësojnë gjithashtu reformat dhe dëmtojnë besimin e publikut.

USAID-i kërkon të ndihmojë reformën në shërbimet e kujdesit shëndetësor parësor në mënyrë që ai t’u përgjigjet nevojave shëndetësore të publikut në Shqipëri. Programi synon përmirësimin e menaxhimit të burimeve të kufizuara, forcimin e një grup shërbimesh cilësore që ofrohen në nivelin parësor të kujdesit shëndetësor dhe të rrisë përdorimin e qendrave shëndetësore në zonat rurale dhe në ato urbane. Brenda programit për kujdesin shëndetësor parësor, USAID/Shqipëri zhvillon programe që synojnë planifikimin familjar dhe shëndetin riprodhues, luftën ndaj HIV/AIDS-it dhe politika e programe për mirëqenien e nënës dhe fëmijës.

Fokusi i programit

• Forcimi i reformave shëndetësore të Qeverisë së Shqipërisë për të krijuar një sistem të kujdesit shëndetësor parësor plotësisht të integruar që t’u përgjigjet nevojave të kujdesit themelor të popullsisë. Shërbimet synojnë shëndetin riprodhues, planifikimin familjar, luftën kundër HIV/AIDS/ Infeksioneve të Transmetueshme Seksualisht dhe tuberkulozit;
• Lehtësimi i dhënies së kujdesit shëndetësor duke përmirësuar aftësitë e kompetencave klinike, të menaxhimit, të planifikimit dhe të buxhetimit si për autoritetet shëndetësore qendrore, ashtu edhe për ato lokale;
• Rritja e ndërgjegjësimit, e avokatisë dhe e pjesëmarrjes në sistemin parësor shëndetësor në nivel komuniteti.

Arritjet kryesore

• Përmirësime në dhënien e shërbimeve shëndetësore parësore në një numër gjithnjë e në rritje qendrash shëndetësore – ndërsa programi shtrihet në tërë vendin – nëpërmjet ofrimit të trajnimeve, menaxhimit të qendrave, rregulloreve të praktikës klinike dhe përfshirjes së komunitetit;
• Shtrirja në nivel vendi e një sistemi informacioni shëndetësor të bazuar në të dhënat e rregjistrimit të pacientëve, në ndihmë të përmirësimit të menaxhimit të Sistemit Shëndetësor Parësor ;
• Krijimit të bordeve të edukimit mjekësor të vazhdueshëm në pesë qarqe të vendit për të monitoruar cilësinë e shërbimeve të ofruara në qendrat e kujdesit shëndetësor, si hapi i parë drejt akreditimit të qendrave shëndetësore në mbarë vendin;
• Shërbimet e planifikimit familjar ofrohen në tërë Shqipërinë deri në nivel komune dhe kanë pësuar rritje të dyfishtë të kërkesës për shërbime të planifikimit familjar gjatë vitit të kaluar.
• Qeveria e Shqipërisë adaptoi Sistemin e Menaxhimit të Informacionit të Logjistikës së Kontraceptivëve të financuar nga USAID-i – i cili siguron informacionin e nevojshëm që të sigurojë një ofertë të vazhdueshme të kontraceptivëve modernë dhe të zvogëlojë rrezikun për mungesën e tyre.
  Komisionin Kombëtar për Sigurinë Kontraceptive u asistua nga USAID-i që të formulonte Strategjinë e parë Kombëtare të Sigurimit të Kontraceptivëve; të firmosur nga Ministria e Shëndetësisë në vitin 2003.