Foto nga: USAID/Shqipëri

Arritja e Paqes dhe e Sigurisë

Situata Aktuale
Shqipëria klasifikohet si një vend burim trafikimi kryesisht për gratë dhe fëmijët, me qëllim shfrytëzimi seksual në Greqi dhe në Itali, dhe më pas në vende të tjera të BE-së, si p.sh. në Belgjikë, në Francë, në Mbretërinë e Bashkuar,  në Hollandë etj. Në Raportin e Departamentit të Shtetit të Shteteve të Bashkuara për Trafikimin e Personave (TIP) të vitit 2006, Shqipëria u rendit si një vend i Grupit 2 për të pestin vit me rradhë, si një vend që arrin standardet minimale/bën përpjekje domethënëse për të qenë në përputhje me standardet e Aktit për Mbrojtjen e Viktimave të Trafikimit të vitit 2000. Fillimisht ishte një vend i Grupit 3 dhe lëvizja e suksesshme e Shqipërisë në Grupin 2 ishte rezultat i drejtpërpërdrejtë i zbatimit nga Qeveria Shqiptare i Strategjisë Kombëtare për Luftën Kundër Trafikimit të Qenieve Njerëzore, krijuar në vitin 2001. Qeveria e Shqipërisë ka hartuar një strategji kombëtare dhe një plan veprimi për vitet 2005-2007, ndërsa rishtazi adaptoi Strategjinë Kombëtare Kundër Trafikimit të Fëmijëve.

USAID/Shqipëri shpalos një nga përpjekjet më të mëdha dypalëshe në anti-trafikim për Agjencinë, por USAID-i është gjithashtu edhe donatori më i madh, i cili siguron fonde për parandalimin e trafikimit dhe për riintegrimin më të mirë të ish-viktimave të trafikimit.

Fokusi i Programit

• Të sigurojë shpërndarje gjeografike të programeve parandaluese dhe të shërbimeve të ndihmës ndaj viktimave, përmes mbështetjes së zyrave në terren dhe shpërndarjes së granteve për OJF-të lokale që merren me anti-trafikimin.
• Të ndërtojë kapacitete të OJF-ve shqiptare anti-trafikuese për të siguruar shërbime të qëndrueshme, të cilësisë së lartë, në parandalimin dhe në riintegrimin e viktimave të kthyera.
• Të ndihmojë Qeverinë e Shqipërisë për të përmbushur standardet ndërkombëtare të anti-trafikimit dhe për të ndërtuar kapacitetin e strukturave të qeverisë lokale për të ndërmarrë më tepër përgjegjësi në përpjekjet për anti-trafikimin lokal dhe për mbrojtjen e fëmijëve.
  Të koordinojë përpjekjet e Qeverisë së Shqipërisë, të shoqërisë civile dhe të palëve ndërkombëtare të interesuara në përmirësimin e programeve që shkurajojnë trafikimin, asistojnë dhe riintegrojnë viktimat dhe zvogëlojnë ri-trafikimin.
• Të konsolidojë dhe të standardizojë mbledhjen, analizën dhe menaxhimin e të dhënave.

Arritjet Kryesore

• Që të dyja, Terre des hommes (Tdh) dhe USAID-i, kanë qenë aktivë në rritjen e ndërgjegjësimit kundër trafikimit të fëmijëve në komunitetin ndërkombëtar gjatë Lojërave Olimpike 2004 në Athinë. Tdh i parashtroi shqetësimin e vet në takime të ndryshme ndërkombëtare, rajonale dhe kombëtare, dhe ndihmoi në hartimin e një Memorandumi Mirëkuptimi, që garanton të drejtat e fëmijëve si viktima të trafikimit. Memorandumi i Mirëkuptimit u nënshkrua nga autoritetet shqiptare dhe greke në shkurt  të vitit 2006. 
• Bashkëpunimi praktik mes punonjësve socialë shqiptarë të Tdh-it dhe OJF-së homologe greke, Arsis, është rritur. Rritja e punës në  terren, e koordinuar mes dy organizatave, ka sjellë përmirësimin e zbulimit të fëmijëve viktima të trafikimit dhe të fëmijëve në rrezik. Mbi 550 fëmijë shqiptarë përfitojnë aktualisht nga shërbimet e mbrojtjes si rezultat i rritjes së punës në terren. U organizua një workshop transnacional për të mbledhur palët e interesuara të të dy vendeve për të shkëmbyer dhe dokumentuar praktikat më të mira për indentifikimin, për të ndihmuar dhe për të lehtësuar zgjidhje afatgjata për viktimat. Si rezultat, Tdh dhe Arsis kanë botuar raportin me gjetjet e tyre: “Mbrojtja Transnacionale e Fëmijëve: Rasti i Shqipërisë dhe i Greqisë”.
•  Aksioni Transnacional kundër Trafikimit të Fëmijëve (TACT) III ka punuar me bashkitë lokale për krijimin e pesë Njësive për Mbrojtjen e të Drejtave të Fëmijëve (CPU) në Shqipërinë qendrore, lindore dhe jugore (Elbasan, Pogradec, Korçë, Fier dhe Gjirokastër). CPU-të janë planifkuar për të ndërtuar kapacitetet e zyrtarëve lokalë në zgjidhjen e çështjeve për mbrojtjen e fëmijëve dhe për parandalimin e trafikimit të fëmijëve brenda qarqeve të tyre. TACT vazhdon të sigurojë mbështetje teknike të vazhdueshme.
• Në mënyrë të ngjashme Programi “Koordinimi i Veprimeve Kundër Trafikimit Njerëzor” (KVKTNJ) ndihmoi Ministrinë e Brendshme të formojë Komitetet Rajonale të Anti-Trafikimit, të cilat janë projektuar të shërbejnë si grupe mbikëqyrëse të komunitetit në parandalimin e trafikimit njerëzor. KVKTNj vazhdon të sigurojë mbështetje teknike të vazhdueshme.