Marrëveshja Prag e Sfidës së Mijëvjeçarit për Shqipërinë

Programet e Marrëveshjes Prag të Korporatës Sfida e Mijëvjeçarit (KSM) janë ndërtuar për të ndihmuar vendet që janë në "prag" të kualifikimit për Kompaktet e Llogarisë Sfida e Mijëvjeçarit (LSM) dhe që përkushtohen për të ndërmarrë reforma të politikave që përmirësojnë rezultatet e tyre sipas këtyre kritereve.

KSM-ja mat performancën në tri fusha – Qeverisja e Drejtë, Investimi në Njerëz dhe Nxitja e Lirisë Ekonomike – duke përdorur 16 tregues politikash që kanë lidhje të demonstruar me uljen e varfërisë dhe rritjen ekonomike. Asistenca e Marrëveshjes Prag jepet për të ndihmuar ato vende që të trajtojnë dobësitë specifike të politikave, të cilat tregohen nga rezultatet e vendit në treguesit e këtyre politikave. 

Më 17 tetor 2008, Qeveria e Shteteve të Bashkuara dhe Qeveria e Shqipërisë nënshkruan publikisht marrëveshjen dypalëshe të zbatimit të Programit Prag dy-vjeçar “Faza II”, me vleftë prej 15.7 milionë dollarësh. Ky program ndërtohet mbi suksesin e Programit Prag të KSM-së që përfundoi në muajin nëntor 2008. Programi Prag i KSM-së, Faza I, e ndihmoi Qeverinë e Shqipërisë në reformimin dhe në modernizimin e administratës tatimore, prokurimeve publike dhe regjistrimin e biznesit nëpërmjet teknologjisë së informacionit dhe përmirësimeve legjislative.

Programi i Pragut i KSM-së, Faza II, synon të përmirësojë aftësitë e sistemit gjyqësor për të zgjidhur ankesat administrative, për të zvogëluar korrupsionin dhe mungesën e eficiencës në administratën tatimore, për të ngritur një qendër kombëtare për licensimin e biznesit duke përdorur modelin ‘one stop shop’, për të krijuar një sistem transparent për dhënien e lejeve të ndërtimit, si dhe për të krijuar një Njësi të Përbashkët Hetimore antikorrupsion në gjashtë qytete për të hetuar çështjet korruptive.

Support to Albania's Threshold Agreement - part one



Support to Albania's Threshold Agreement - part two

Raporti Përfundimtar i Programit të Pragut të KSM-së për Shqipërinë, Faza I  [PDF, 24MB]