Ndërmarrjet mikro, të vogla dhe të mesme janë forca shtytëse e zhvillimit ekonomik dhe e krijimit të vendeve të reja të punës në Shqipëri. Ato përllogaritën në 99.5 për qind të ndërmarrjeve private dhe në rreth 75 për qind të të punësuarve në sektorin jo-bujqësor. USAID-i ndihmon ndërmarrjet shqiptare në rritjen e produktivitetit dhe të konkurrueshmërisë.

Vështrim i Përgjithshëm

Shqipëria ka luajtur një rol pozitiv dhe moderator në Ballkan dhe gjatë viteve të fundit ka bërë hapa të mëdhenj drejt integrimit Euro-Atlantik –  siç është nënshkrimi i Marrëveshjes së Stabilizim Asociimit me Bashkimin Evropian dhe marrja e ftesës për t’iu bashkuar NATOs në vitin 2008. Sfidë e rëndësishme mbetet ende që Shqipëria të bëhet një demokraci sociale dhe ekonomike e zbatueshme.

Në kuadër të Ndihmës së Huaj ofruar nga Qeveria e Sh.B.A.-së, programi i zhvillimit i USAID-it  ndihmon Shqipërinë në forcimin e përgjegj-shmërisë dhe të transparencës qeveritare në  uljen e korrupsionit, në rritjen e konkurueshmërisë në sektorin privat në Shqipëri, në përmirësimin e dhënies së një shërbimi mjekësor cilësor, në sigurimin e një burimi të besueshëm dhe të përballueshëm financiarisht të energjisë elektrike dhe në zvogëlimin e trafikimit njerëzor. Në janar 2009 USAID-i do të nisë zbatimin e Programit të Pragut të Korporatës Sfida e Mijëvjeçarit (KSM) Faza II në Shqipëri për të adresuar reforma kundër korrupsionit në sektorët e administratës publike dhe në atë të drejtësisë.

RRITJA E PRODUKTIVITETIT DHE E KONKURUESHMËRISË NË SEKTORIN PRIVAT
Që prej vitit 2001 Shqipëria ka ruajtur një nivel impresionues rritjeje të Produktit të Brendshëm Bruto (PBB), që mesatarisht shkon në pesë për qind çdo vit dhe nivelet e varfërisë vazhdojnë të bien. Pavarësisht progresit, Shqipëria vazhdon të ketë nivele të larta të papunësisë, investime të drejtëpërdrejta të huaja (IDH) të ulëta, infrastrukturë të dobët dhe deficite tregtare në rritje. Programi i USAID-it forcon kapacitetin konkurues të sektorit privat, lehtëson mundësitë për marrjen e kredive tregtare për ndërmarrjet e vogla dhe të mesme (SME); si dhe përmirëson mjedisin mundësues që ndihmon zhvillimin e biznesit, të tregtisë dhe të investimeve. Përpjekjet më të mëdha përqendrohen në përmirësimin e produktivitetit dhe të konkurrueshmërisë së SME-ve duke promovuar risi në teknologji, adaptimin e standardeve ndërkombëtare të cilësisë, zbatimin e praktikave të mira  të menaxhimit dhe të teknikave të marketingut. Për të shpënë më tej mbështetjen ndaj sektorit privat, USAID-i ofron ndihmë direkte për sektorin elektroenergjetik të Shqipërisë.

PROMOVIMI I QEVERISJES SË MIRË DHE ZHVILLIMI EKONOMIK VENDOR
Shqipëria ka bërë përparime të ndjeshme përsa i përket zëvendësimit të sistemit politik tejet të centralizuar, i cili u trashëgua nga epoka komuniste, me një sistem që i jep autoritet të vertetë dhe autonomi qeverisjes vendore në Shqipëri. Projekti i USAID-it për qeverisjen vendore mbështet funksione të tilla të qeverisjes vendore si planifikimi, zhvillimi ekonomik, si dhe menaxhimin e aksesit të publikut që ndihmon në krijimin e një klime të favorshme për biznes dhe investime. Programi i shtetit ligjor shërben për forcimin e modeleve të përgjegjshmërisë dhe të pasjes së gjykatave transparente që mbështesin shtetin ligjor.

FORCIMI I SHËRBIMEVE PARËSORE SHËNDETËSORE PËR TË GJITHË QYTETARËT
Sisteme të shërbimeve shëndetësore më cilësore dhe të përballueshme nga të gjithë, kontribuojnë në përmirësimin e shëndetit të të rriturve dhe të fëmijëve – duke ndihmuar në arritjen e zhvillimit të qëndrueshëm dhe në përmirësimin e mirëqenies dhe të produktivitetit të qytetarëve. Për të ulur sëmundshmërinë, për të siguruar mbrojtje ndaj grupeve më të prekshme prej tyre dhe për të promovuar sistemin parësor shëndetësor, USAID-i po punon me Ministrinë e Shëndetësisë për të ndryshuar mënyrën e organizimit, të financimit dhe të ofrimit të shërbimeve shëndetësore parësore në Shqipëri. Programet e USAID-it përmirësojnë eficiencën në financimin dhe në dhënien e shërbimeve, aksesin në shërbimet parësore shëndetësore nga qytetarët, cilësinë dhe praninë e shërbimeve të shëndetit riprodhues dhe të shëndetit për nënën dhe foshnjen, si dhe kapacitetin e qeverisë për t’iu përgjigjur situatave kërcënuese për shëndetin publik.

PARANDALIMI I TRAFIKIMIT TË PERSONAVE DHE MBROJTJA E VIKTIMAVE
Shqipëria është një vend burimi i trafikimit për gratë dhe fëmijët të përdorur për shfrytëzim seksual dhe ekonomik brenda vendit, në rajon dhe në vende të tjera të Evropës. Në mënyrë që të zvogëlohet trafikimi, të mbrohen viktimat dhe të ndiqen penalisht trafikuesit, USAID-i sensibilizon popullatën në rrezik dhe informon popullatën në përgjithësi mbi çështjet e trafikimit, trajton rrënjët shkaktuese të  varfërisë dhe të stigmatizimit social; forcon shërbimet dhe mbrojtjen e dëshmitarëve për të siguruar riintegrimin e suksesshëm të viktimave, dhe ndërton kapacitetin e Qeverisë dhe të organizatave jo-fitimprurëse për t’iu përgjigjur trafikimit të personave. Këto dy programe gjashtëvjeçare po hyjnë në vitin përfundimtar të zbatimit të tyre gjatë vitit fiskal 2009.

PËRMIRËSIMI I PËRGJEGJSHMËRISË, I TRANSPARENCËS, I AKSESIT NGA PUBLIKU DHE I EFICIENCËS SË INSTITUCIONEVE TË QEVERISË
Programi Prag dy-vjeçar për Shqipërinë i Korporatës Sfida e Mijëvjeçarit (KSM), “Faza II”, ngrihet mbi suksesin e programit të parë që kërkoi të zvogëlonte nivelet e korrupsionit në administratën publike të Shqipërisë; në prokurimet publike, në administratën tatimore dhe në regjistrimin e biznesit.  I menaxhuar nga USAID-i ky program synon të ndërtojë kapacitetet e gjyqësorit, të forcojë aftësitë e zbatimit të ligjit përmes hetimit të korrupsionit dhe të vazhdojë reformat në administratat tatimore dhe të licensimit të biznesit. Progresi në këta pesë komponentë do ta ndihmojë Shqipërinë të arrijë Qëllimet e Zhvillimit të Mijëvjeçarit dhe do ta ndihmojë për kualifikim në statusin Kompakt të KSM-së.