Foto nga: USAID/Shqipëri   Dr. Ajet Veleshnja qëndron përpara disa prej certifikatave më të fundit të trajnimeve të tij dhe diskuton mbi shpresat e tij për të ardhmen e klinikës mjekësore në Lapardhanë e vogël, rurale.

Teknologjia Nxit Shërbimin Shëndetësor në Shqipëri, ndërsa Mjekët Fokusohen në Parandalim

Teknologjia Nxit Shërbimin Shëndetësor në Shqipëri, ndërsa Mjekët Fokusohen në Parandalim
Qendra shëndetësore rurale mundëson shërbim cilësor mjekësor popullsisë vendase

LAPARDHA-- Dr. Ajet Veleshnja përdor teknologjinë e informacionit si mjek i përgjithshëm që është, në Shqipërinë rurale. Ai përdor një komjuter portabël për të regjistruar të dhënat e pacientëve të tij dhe kohët e fundit ka investuar në pajisje ultratingulli, që e lejojnë të diagnostikojë sëmundje të ndryshme.

“Ne nuk duhet të përqëndrohemi thjesht në kurimin”, - tha Dr. Veleshnja, duke përsëritur mendimin e një projekti të USAID-it që forcon shërbimin parësor shëndetësor në Shqipëri. Përpjekja qëndron në fuqizimin e mjekëve të përgjithshëm (MP) dhe rifokusimin e punës së tyre nga kujdesi kurues në  kujdes parandalues.

Në vitet që pasuan rënien e komunizmit në Shqipëri, qendrat e kujdesit shëndetësor kanë vuajtur. Mjekët kanë mbetur prapa përsa u përket teknikave mjekësore, pajisjet kanë dalë jashtë përdorimit dhe mbajtja e të dhënave për të sëmurët ishte e dobët. Në të njëjtën kohë, më shumë specialistë hapën klinikat e tyre, duke bërë pacientët të mendojnë se specialistët sigurojnë shërbim më të mirë. Pacientët përpiqen të kursejnë para duke shkuar tek mjeku vetëm një herë, kur ndihen shumë sëmurë.  Kjo ka shtrembëruar sistemin e kujdesit shëndetësor dhe ka demoralizuar në masë MP-të.

Që nga viti 2001, USAID-i është përpjekur të përmirësojë sistemin. Tani MP si Dr. Velenja janë trajnuar në mbajtjen e regjistrit, ruajtjen e arkivave dhe në buxhetim. Në një qendër të kujdesit shëndetësor në qendër të Beratit, një qytet rreth një orë larg me makinë nga Laparadhaja, transferimi i thjeshtë nga sistemi i të shkuarit tek mjeku pa planifikuar vizitën më parë, në atë të të rezervuarit të një orari me të, ka sjellë një ndryshim të madh në eficiencën e mjekëve, tha Dr. Donika Papa. Qendra gjithashtu ka rregulla të reja për trajtimin e klientëve dhe forma të reja për regjistrimin e të dhenave që janë hartuar për ta bërë më të lehtë parandalimin e sëmundjes.

“Qendra është njëherazi më eficiente, falë një sistemi të ri informacioni shëndetësor”, - tha Dr. Papa. Sipas sistemit, të gjitha vizitat në klinikë regjistrohen dhe ruhen në një program softueri të përgatitur nga USAID-i. Në bazë të raporteve mujore që nxirren nga këto të dhëna, MP-të mund të shohin llojet e sëmundjeve të diagnostikuara, të kuruara dhe të referuara në spitale. Raportet afishohen dukshëm në çdo klinikë dhe mjekët e infermierët e rajonit mblidhen çdo muaj për të vlerësuar statistikat e performancës së tyre.

Në Berat, këto raporte i kanë ndihmuar mjekët të identifikojnë sëmundshmëri të lartë nga hipertensioni, të lidhur me pirjen e duhanit dhe ndoshta predispozitën gjenetike. Zyrtarët lokalë të shëndetësisë me të dhënat e mbledhura hartuan një fushatë ndërgjegjësimi për të theksuar rrezikun e pirjes së duhanit dhe i kërkuan Ministrisë së Shëndetësisë më shumë antibiotikë për të kuruar inflamacionet.

Në muajin mars, Ministria e Shëndetësisë e shpërndau sistemin e informacionit shëndetësor në rang vendi. Më parë kishte qenë aktiv vetëm në katër rajone, si projekte pilote të USAID-it.

“Ne kemi ndryshuar shumë gjëra në mënyrën si po punojmë, gjë që ka një ndikim të madh në mënyrën se si i menaxhojmë pacientët”, - tha Dr. Papa