Foto nga: Programi EDEM i USAID-it   Z. Xhevit Hysenaj(djathtas),pronar i Kompanisë së Bimëve Aromatiko-Mjekësore “Xherdo”, u takua me biznesmenin francez në konferencën e këtij viti të IFEAT në Budapest. Në bazë të këtyre takimeve, Xherdo nënshkroi tetë kontrata me vlerë më shumë se 500,000 Euro me perspektivën për më shumë.

Investimet Vlerështuese Hapin Tregje të Reja

Investimet Vlerështuese Hapin Tregje të Reja
Konferenca ndërkombëtare premton biznes fitimprurës për prodhuesit shqiptarë të esencave bimore organike

Biznesi nuk ka si të shkojë më mirë për biznesmenin shqiptar, Z. Xhevit Hysenaj, pronar i Kompanisë së bimëve aromatike-mjekësore “Xherdo” me qendër në Skrapar. Me një porosi të re dërgese prej një toni për esenca bimore organike për në Sh.B.A., muaji i ardhshëm do të përqendrohet në koordinimin për distilimin, paketimin dhe dërgimin e kësaj sasie në përmbushjen e porosisë.

“Kjo është një periudhë ngazëlluese për “Xherdo”-n - tha Hysenaj, “Përvoja 15-vjeçare në biznes ka bërë të mundur që vajërat aromatikë të prodhuar prej meje të mund të përmbushin standardet e cilësisë për kompanitë më prestigjoze në Sh.B.A dhe në BE.”

Kjo porosi pason një dërgesë të suksesshme një konsoliduesi në Spanjë prej 2.5 ton sherebelë, timus, rigon dhe esence bimore organike dëllinje. Hysenaj u takua me drejtorin e shitjeve të kompanisë spanjolle në Konferencën e vitit 2007 të Federatës Ndërkombëtare të Tregtisë së Esencave dhe Aromave Bimore Organike (IFEAT) zhvilluar në Budapest, Hungari. Aty, “Xherdo” nënshkroi tetë kontrata që kapnin vlerën mbi 500,000 Euro, me blerës ndërkombëtarë nga Sh.B.A, Spanja, Austria, Franca dhe Belgjika.

Që prej vitit 2004, Projekti i Zhvillimit të Ndërmarrjeve Shqiptare dhe Shërbimet e Tregjeve të Eksporteve i USAID-it, ka punuar me Hysenajn dhe prodhues të tjerë të bimëve aromatiko-mjekësore të papërpunuara, në mënyrë që të futen dhe të konkurojnë në tregjet e eksporteve. Meqë Shqipëria ka një histori të gjatë në eksportimin e bimëve aromatike dhe mjekësore të papërpunuara, USAID-i i ndihmon prodhuesit t’u shtojnë vlerë produkteve të tyre, duke theksuar nevojën e prodhimit të produkteve cilësore që përmbushin kërkesat e tregut.

Për Hysenajn, investimet e mprehta të biznesit të tij në prodhimin e esencave bimore dhe në çertifikimin organik, të lidhura me pjesëmarrjen e tij në panaire tregtare si ai i IFEAT, kanë hapur dyert e tregjeve fitimprurëse për biznesin e tij.

Hysenaj nuk është i vetëm në gadishmërinë e tij për të konkurruar në tregjet botërore. Shqipëria aktualisht prodhon çdo vit rreth 35 deri në 40 tonë esenca bimore organike, por industria shpreson ta rrisë sasinë në rreth 100 tonë, ku pjesa më e madhe e tyre do të përmbushë standardet e çertifikimit organik. Konferencat ndërkombëtare, si IFEAT, tregojnë rëndësinë e auditorit ndërkombëtar në komunikimin e potencialit të Shqipërisë.

“USAID-it i përket në mënyrë absolute nderimi i veçantë për asistencën e dhënë, e cila ndihmoi promovimin e industrisë shqiptare të bimëve aromatiko mjekësore në arenën ndërkombëtare”, - tha Hysenaj. Industria siguron të ardhura për mijëra familje që jetojnë në varfëri në zonat rurale në mbarë Shqipërinë. 

Z. Luc Vossen (Luk Vosen), i kompanisë belge “Vossen & Co.” shprehu vlerësimin e tij për paraqitjen e vajërave aromatike-mjekësore të Shqipërisë në Konferencën e IFEAT. “Kjo e bindi kompaninë time që të hyjë në këtë treg [shqiptar] dhe unë kam kënaqësinë t’ju informoj se ne do të takohemi me Z. Xhevit Hysenaj të “Xherdo”-s në Bruksel për të përgatitur porosinë për pranverën e vitit 2008”.