Foto nga: USAID Shqipëri

Program i ri për Përmirësimin e Rritjes Ekonomike dhe të Qeverisjes Vendore në Bashkitë

Program i ri për Përmirësimin e Rritjes Ekonomike dhe të Qeverisjes Vendore në Bashkitë

TIRANË 23 janar 2008 – Ceremonia e nënshkrimit të Marrëveshjes së Mirëkuptimit (MM) midis USAID-it dhe kryetarëve të 10 bashkive pjesëmarrëse më 23 janar shënoi edhe fillimin e programit të ri 4-vjeçar prej 7,3 milionë dollarësh të USAID-it , “Qeverisja Vendore në Shqipëri” (LGPA). Drejtori i Misionit të USAID-it, Edward T. Landau dhe Kryetarët e Bashkive të Fierit, të Fushë Krujës, të Gramshit, të Himarës, të Korçës, të Kukësit, të Lezhës, të Librazhdit, të Pogradecit dhe të Shkodrës nënshkruan Marrëveshjet e Mirëkuptimit për të përvijuar asistencën e USAID-it.

Projekti i USAID-it synon të përmirësojë qeverisjen në bashkitë e përzgjedhura si dhe të ndërtojë partneritete publik-privat për të krijuar një mjedis miqësor ndaj biznesit, në mënyrë që  brenda të cilit të zhvillohet më tej sektori privat vendor. Aktivitetet e USAID-it do të kërkojnë të rrisin investimet, të krijojnë vende të reja pune, të rrisin të ardhurat si dhe të zgjerojnë bazën e taksave të bashkive.

Në fjalimin e tij drejtuar kryetarëve të bashkive, Drejtori i Misionit të USAID-it, z. Landau, theksoi: “Gjatë dekadave të shkuara asistenca e USAID-it ka ndihmuar në drejtim të krijimit të bazës ligjore dhe të aftësive teknike të nevojshme për decentralizimin e pushtetit të qeverisjes qendrore drejt bashkive. Tashmë, nëpërmjet rritjes ekonomike vendore, projekti do të përpiqet të gjenerojë të ardhurat nga taksat si dhe mjetet e tjera financiare që bashkitë do të kërkojnë për të ushtruar pushtetin e tyre”.

Këto dhjetë bashki u përzgjodhën pas shqyrtimit të kapaciteteve të tyre fiskale, të normës së rritjes së biznesit të vogël si dhe të interesit që ata shprehën në drejtim të përmirësimit të niveleve të ofrimit të shërbimeve publike nëpërmjet një procesi zhvillimi transparent dhe gjithëpërfshirës.

Krijimi i “Komitetit të Rritjes Ekonomike të Bashkisë” do të jetë baza e programit në secilën prej bashkive. Me një pjesëmarrje të përkrahësve nga sektorët publik, privat dhe të shoqërisë civile, këto komitete do të hartojnë një vizion strategjik të zhvillimit ekonomik në të ardhmen për komunitetet e tyre si dhe do të përcaktojnë përparësitë në lidhje me veprimet e menjëhershme të tilla si: përmirësimi i shërbimeve publike, procedurat e mbledhjes së taksave dhe sistemet e menaxhimit të pasurive. Nëpërmjet këtyre planeve USAID-it do të punojë me secilën prej bashkive pjesëmarrëse për të identifikuar dhe për të tërhequr investitorët e mundshëm. 

Gjatë ceremonisë, e cila u zhvillua në Hotel Tirana International, ishin gjithashtu të pranishëm edhe përfaqësuesit e komunitetit të biznesit vendor nga secila bashki.

# # #