Foto nga: USAID Shqipëri   DHS do të sigurojë informacion të vlefshëm për të ndihmuar politikëbërësit dhe menaxherët e programeve në matjen e treguesve kryesorë shëndetësorë dhe demografikë, si dhe në krahasimin e Shqipërisë me vende të tjera.

Vëzhgimi Demografik dhe Shëndetësor

Kohëzgjatja: Shtator 2006 – Shator 2009

Partnerët:

• Fondi i Kombeve të Bashkuara për Fëmijët (UNICEF)
• Fondi i Kombeve të Bashkuara për Popullsinë (UNFPA)
• Banka Botërore
• Agjencia Zvicerane për Zhvillim dhe Bashkëpunim (SDC)

Përshkrimi:  Qeveria e Shqipërisë, në bashkëpunim me USAID-in, Agjencitë e Kombeve të Bashkuara, Bankën Botërore dhe partnerë të tjerë dypalësh, kanë identifikuar nevojën për një Vëzhgim Demografik dhe Shëndetësor (DHS) kombëtar në Shqipëri. Ky vëzhgim, i pari në llojin e tij, do të studiojë një kampion prej mijëra familjesh në të gjithë vendin për të mbledhur të dhëna mbi popullsinë, shëndetin, të ushqyerit dhe çështjet gjinore.

Informacioni i mbledhur mund të përfshijë karakteristika të tilla të familjes dhe të popullatës si: niveli i arsimimit, përdorimi i metodave moderne të planifikimit familjar, të dhëna martesore, parapëlqimet për lindshmërinë, vdekshmëria foshnjore dhe e fëmijëve, shëndeti riprodhues, shëndeti i fëmijës, sjelljet seksuale, HIV/AIDS dhe Sëmundjet Seksualisht të Transmetueshme (SST), praktikat e ushqyerjes me gji, ushqyerja e nënës dhe e fëmijës, fuqizimi i gruas, dhuna gjinore etj. Këto statistika do të ndihmojnë politikëbërësit dhe menaxherët e programeve për matjen më mirë të treguesve kryesorë shëndetësorë dhe demografikë dhe për krahasimin e Shqipërisë me vende të tjera. 

  Fokusi i Programit

• Planifikimi, hartimi dhe zbatimi i DHS-së në Shqipëri në përputhje me standardet teknike ndërkombëtare në metodologji, në hartimin e pyetësorit dhe të testit paraprak, në hartimin e kampionit, në përpunimin e të dhënave, në analizën e të dhënave, në përpilimin  e raportit, si dhe në aktivitete, programe dhe strategji për shpëndarjen e tij.

 Rezultatet e Pritshme

• Mbledhja e një seti të plotë të dhënash shkencore të besueshme, të parat në llojin e tyre, për të matur treguesit kryesorë shëndetësorë dhe demografikë të krahasueshme me ato të vendeve të tjera të botës;
• Fuqizimi i kapacitetit në nivel kombëtar dhe vendor për të menaxhuar dhe realizuar vëzhgime të një shkalle të gjerë duke përdorur metodologji shkencore, me standarde ndërkombëtare;
• Të krijojë një bazë të fortë të dhënash  për ndërhyrjet e ardhshme dhe të jetë në gjendje të monitorojë dhe të vlerësojë më mirë aktivitetet në vazhdimësi.