Foto nga: USAID Shqipëri   Presidenti i Republikës së Shqipërisë, Z. Bamir Topi, i dorëzoi Medaljen e Mirënjohjes së shtetit për shërbimin e kryer Drejtorit të Misionit të USAID-it, Z. Eduard T. Landau.

Presidenti nderon shërbimin e Drejtorit në largim të Misionit të USAID-it

Presidenti nderon shërbimin e Drejtorit në largim të Misionit të USAID-it

TIRANË, 26 GUSHT 2008     Sot, Presidenti i Republikës së Shqipërisë nderoi shërbimin e një diplomati të lartë amerikan, z. Eduard T. Landau, në një ceremoni të zhvilluar në Pallatin e Brigadave. Në prani të homologëve të qeverisë shqiptare dhe të stafit të Misionit të USAID-it, Presidenti i dorëzoi Landaut Medaljen e Mirënjohjes së shtetit për shërbimin e kryer.

Në fjalën e tij, Landau falenderoi Presidentin për këtë vlerësim të veçantë dhe theksoi bashkëpunimin dhe vlerat që shqiptarët ndajnë me amerikanët si një pasuri në arritjen e qëllimeve të zhvillimit të vendit. 

“Shqiptarët dhe Amerikanët besojnë në lirinë dhe në drejtësinë përmes forcimit të institucioneve demokratike, ne besojmë në zhvillimin ekonomik duke cakitur në frymën dhe zotësinë sipërmarrëse të individit, si dhe ne besojmë në një qeveri që sillet në një mënyrë eficiente dhe efikase”, - tha Landau. “Ky vizion i përbashkët na ka ndihmuar të arrijmë përparimin domethënës me hapa të shpejtë në Shqipëri”.

Landau ka shërbyer si Drejtor i Misionit të Agjencisë së Shteteve të Bashkuara për Zhvillim Ndërkombëtar (USAID) në Shqipëri që prej vitit 2006. Pas largimit të tij nga Shqipëria në vijim të këtij muaji, ai do të kthehet në Uashington, D.C., si Drejtor për Çështjet e Amerikës së Jugut.

Drejtoresha e re e Misionit të USAID-it në Shqipëri, zj. Roberta Mahoni, do të mbërrijë në mes të muajit shtator.

# # #