Foto nga: USAID/Shqipëri   \"Hendeku i infrastrukturës\" në Shqipëri është një pengesë domethënëse për investimet e reja dhe për rritjen e ndërmarrjeve fitimprurëse dhe paraqet sfida të mëdha për ekonominë. Aktivitetet e USAID-it për rritjen ekonomike veprojnë së bashku me aktivitetet për demokracinë përmes partneriteteve novatore për të mbështetur një mjedis të favorshëm për biznesin dhe aftësinë konkurruese të bizneseve shqiptare.

Rritja Ekonomike dhe Tregtia

SITUATA AKTUALE
Shqipëria mbetet një nga vendet më të varfra në Evropë dhe të ardhurat për frymë të saj janë ndër më të ulëtat në rajonin e Ballkanit. Nivelet e larta të papunësisë, investimet e huaja direkte të ulëta (IHD), dhe një deficit tregtar në zgjerim përbëjnë të gjitha shkaqe për shqetësim. Pavarësisht nga disa përmirësime në renditjen e saj, Shqipëria ende pason shumicën e vendeve të tjera në rajon në Indeksin global të konkurrueshmërisë për vitin 2010 të Forumit Ekonomik Botëror. Përveç kësaj, infrastruktura e dobët (energjia, komunikimi dhe transporti), pronësia e diskutueshme mbi pronën, dhe sektori i dobët financiar dekurajojnë investimet e brendshme dhe të huaja.

VËSHTRIMI I PËRGJITHSHËM I PROGRAMIT
Programet e USAID-it përqendrohen në vënien në vend të atyre reformave dhe rregullave që do të çojë në një mjedis më të mirë të biznesit, në ndërmarrje më konkurruese, si dhe në një sektor më të fortë financiar. Aktivitetet synojnë të përmirësojë dialogun në mes Qeverisë Shqiptare dhe sektorit privat duke punuar me dhomat dhe shoqatat për të identifikuar dhe për të hequr pengesat ndaj të bërit biznes. Programi do të shfrytëzojë partneritetet publike private (PPP) për të ndihmuar në plotësimin e mangësive serioze të burimeve nëpërmjet trajtimit të infrastrukturës (energjia, rrugët, portet, etj) dhe të kufizimeve të tjera, për shembull në fushën e agro-marketingut. Asistenca teknike e orientuar në mënyrë të kujdesshme drejt sektorit financiar do të forcojë më tej autoritetet rregullatore.

FOKUSI I PROGRAMIT

• Përmirësimi i kushteve për rritjen e udhëhequr nga sektorit privat nëpërmjet trajtimit të çështjeve ligjore dhe rregullatore që ndikojnë në sektorin privat duke përfshirë ato që kanë të bëjnë me pagimin e taksave, regjistrimin e bizneseve, dhe aksesin ndaj kredive.
• Përmirësimi i konkurrueshmërisë së sektorit privat nëpërmjet përdorimit efikas të partneritetit publik privat që mund të mobilizojnë kapitalin privat për të trajtuar nevojat kryesore të infrastrukturës.

SUKSESET

• Në tetor 2011, USAID-i hyri në një partneritet publik-privat me qeverinë shqiptare dhe me organizatat kryesore ndërkombëtare dhe shqiptare të sektorit privat për të krijuar Qendrën e parë Burimore dhe të Trajnimeve për TIK-un, PROTIK, që do të mbështesë zhvillimin dhe përdorimin e inovacioneve të TIK për bizneset e vogla dhe promovimin e rritjes së sektorit të TIK në Shqipëri.
• Së bashku me Institutin Inxhinierisë Carnegie Mellon të Software-ve, USAID-i po mbështet agjencinë 1rë në Shqipëri dedikuar sigurisë kibernetike, ALCIRT, duke përfshirë zhvillimin strategjive të planifikimit dhe zbatimin fillestar te ALCIRT dhe ngritjen e ekipeve të reagimit ndaj incidenteve të sigurisë kompjuterike të bazuara në praktikat më të mira amerikane në mbrojtjen, zbulimin, reagimin ndaj sulmeve kibernetike. 
• USAID-it, me mbështetjen e Ministrisë së Bujqësisë ngriti një sistem për mbledhjen dhe shpërndarjen e çmimeve të përditshme për 22 mallra bujqësore me origjinë (të importuara dhe të brendshme), varietete, dhe shkallë të ndryshme në katër tregjet kryesore shqiptare bujqësore me shumicë, që arrijnë në 624 pikë të dhëna / ditë. Ky informacion ndihmoi fermerët dhe tregtarët që ata të merrnin vendime më të mira administrimi dhe të bazuara tek tregu.