Foto nga: USAID/Shqipëri   Në shkurt, Z. Xhevit Hysenaj, i fotografuar ulur në fushën e tij të kultivimit të sherebelës, festoi dërgesën e parë të esencave aromatike organike tek një blerës nga Komuniteti Evropian.

Bizneset shqiptare përfitojnë nga përmirësimet e vlerës së shtuar

Bio-Çertifikimi Rrit Eksportet

POLIÇAN—Dërgesa e parë e esencave bimore organike  shqiptare ka hyrë në tregun e Bashkimit Evropian dhe për pronarin e kompanisë “Xherdo”, Xhevit Hysenaj, kjo shitje prej 2.5 tonësh sherebelë, timus dhe esencë dafine shënon një etapë të re dhe ngazëlluese për zhvillimin e biznesit të tij.

Në tetor të vitit 2005, kompania Hysenaj që ka punuar me Projektin Zhvillimi i Ndërmarrjeve Shqiptare dhe Shërbimet e Tregjeve të Eksporteve (EDEM) të USAID-it, për përmirësimin e performancës së kompanisë, fitoi bio-certifikimin nëpërmjet SKAL International, një organizatë e certifikimit organik me qendër në Hollandë.

“Ky certifikim i rendit produktet e mia në një pozitë me konkuruese dhe fitimprurëse”, - tha Hysenaj, “Blerësi austriak me të cilin kam punuar për vite, e bleu menjëherë furnizimin tim, me çmim më të lartë”.

Industria e bimëve aromatike-mjekësore është një nga sektorët që synon projekti i USAID-it. Bio-çertifikimi i akreditmit ndërkombëtar të sherebelës, dafinës, trumzës dhe tumusit rrisin çmimin e këtyre produkteve të eksportuara me 15-20 për qind.

Verën e shkuar, EDEM-i organizoi inspektimin fillestar nga SKAL-i të dy kompanive të bimëve aromatike-mjekësore. Kompania “Xherdo” dhe “Albanian Trading Company” (ATC), me qendër në Durrës, shoqëruan inspektorin që kishte ardhur për të ekzaminuar zonat e përdorura për përpunimin për eksport. Në bazë të rekomandimeve të SKAL-it, kompanitë bënë përmirësime të tjera. Në tetor, të dyja kompanitë morën çertifikatën e njohur në botë për produkte organike.

“Furnitorët preferojnë produkte organike dhe është me leverdi që prodhuesit të lëvizin në këtë drejtim”, -shpjegon z. Jeton Starova, Këshilltar për Agrobiznesin në Projektin EDEM. “Duke përpunuar bimët në esenca, “Xherdo” ka rritur vlerën e lëndës së tij të parë. Me marrjen e kësaj certificate organike, “Xherdo” po bën një përpara. Bizneset shqiptare kanë nevojë të shohin se duke investuar në produkte cilësore, produktet e tyre do të bëhen më të dëshirueshme dhe më konkuruese në çdo treg”.

Distileria e esencave aromatike e Hysenajt në Poliçan i është përkushtuar posaçërisht prodhimit të esencave aromatike organike. Me distileri të tjera në Skrapar, Berat, Laç, Lezhë dhe Peqin, mjediset e Poliçanit përfaqësojnë 40 për qind të të gjithë kapacitetit të tij prodhues. Për Hysenajn, certifikimi i produkteve të tij është një shenjë besimi që do të rrisë reputacionin e produkteve shqiptare në botë.

Duke mos u mjaftuar me çmimet e mëparshme, Hysenaj, në konsultim me EDEM-in, po sheh në fizibilitetin e perspektivës së një biznesi në të ardhmen si hapja e një linje kozmetike dhe shampoje. Janarin e kaluar, EDEM-i organizoi një vizitë me Hysenajn dhe Manaxherin e “S&D Aroma”, një prej furnizuesve kryesorë të esencave natyrale dhe organike në Angli, për të diskutuar mundësinë e furnizimit  të produkteve natyrale nga Shqipëria për industrinë e kozmetikës.

“Xherdo” është vetëm njëra nga kompanitë e shumta që punon në fushën e industrisë së bimëve aromatike-mjekësore në mbarë Shqipërinë, të cilin USAID-i e ka ndihmuar të zhvillojë strategjitë dhe aftësitë në mënyrë që ata të hyjnë drejt tregjeve më fitimprurës.