Decentralizimi

Fjalimi i Drejtorit të Misioni të USAID-it, Z. Eduard T. Landau
Konferenca Kombëtare
Forcimi i Pushteteve Vendorë: Gadishmëria për të shërbyer dhe rezultatet
26 qershor 2007

Të nderuar Ministra dhe Zëvendës Ministra, i Nderuar Kryetar i Bashkisë, Zonja dhe Zotërinj,

Është një kënaqësi për mua t’ju uroj mirëseardhjen në këtë konferencë për të diskutuar përparimin e Shqipërisë drejt decentralizimit, përgjegjshmërisë më të madhe dhe transparencës në qeverisje.

Pushtet vendore të afta sigurojnë një themel të rëndësishëm për demokracinë dhe prandaj, programi ynë në këtë fushë përfaqëson një gur themeli të asistencës së Shteteve të Bashkuara për Shqipërinë. Mbështetja për procesin e decentralizimit të Shqipërisë, gadishmëria e pushteteve vendore për t’u shërbyer qytetarëve të tyre, shteti ligjor, përmirësimi i shërbimeve publike si shëndetësia dhe stimuli i rritjes ekonomike, mbështesin qëllimet e USAID-it këtu.

Shqipëria ka bërë përparim domethënës në shtegun e decentralizimit të pushtetit vendor. Gjatë pesëmbëdhjetë viteve të fundit, Shqipëria ka lëvizur prej një shteti të centralizuar drejt një sistemi të decentralizuar me pushtete vendore të pavarura, që po sjellin një ndryshim të vërtetë në jetën e qytetarëve.

Sot, si rezultat i procesit të decentralizimit, pushtetet vendore në Shqipëri kanë më shumë autoritet dhe pavarësi  më të madhe në marrjen e vendimeve, më shumë liri veprimi me burimet, si dhe më shumë mundësi për të përshtatur burimet sipas nevojave dhe pritjeve të komunitetit. Sigurimi i shërbimit është përmirësuar ndjeshëm. 

Kjo ofron një shembull të pastër që pushteti punon për qytetarët dhe përforcon procesin e demokratizimit në Shqipëri.

Përmes Projektit të USAID-it për Pushtetin Vendor dhe Decentralizimin në Shqipëri (LGDA)  kemi ndihmuar në përparimin e dialogut mes grupeve lokale dhe qendrore të interesit që ka rezultuar në reforma kyçe për decentralizimin. Kemi ndihmuar bashkitë të ndihmojnë veten në  ndërmarrjen e funksioneve të tyre të reja dhe të arrijnë përmirësime të matshme në shërbimet vendore, të cilat vlerësohen prej qytetarëve.

Konferenca e sotme do të paraqesë ecurinë e realizuar dhe rezultatet e arritura. Shumë nga  grupi i interesit që kanë qenë pjesë e procesit, si në nivel qendror ashtu edhe në atë vendor, janë të pranishëm në këtë konferencë. Anëtarët e qeverisë, të parlamentit dhe të pushtetit vendor të të gjitha partive politike duhet të ndihen krenarë.

Ju faleminderit të gjithëve për bashkëpunimin tuaj dhe urime për rezultatet e marra. Në planifikojmë të vazhdojmë të punojmë për përmirësimin e mjedisit të politikave, kapacitetin e pushtetit vendor dhe panoramën e zhvillimit ekonomik të qyteteve me programin tjetër të madh tonin në këtë sektor.