Kryerja e Shërbimeve

Fjalimi i Z. Eduard T. Landau
Drejtori i USAID-it në Veprimtarinë "Dita e Hapur" në Berat
15 qershor 2007, Berat

I nderuar Zoti Ministër dhe Zotërinj Zëvendës Ministra,
I nderuar Kryetar i Bashkisë
Zonja dhe Zotërinj,

Kjo është vizita ime e parë në Berat, prandaj do të doja të falenderoja Kryetarin e Bashkisë për ftesën e tij për të ardhur në këtë qytet të bukur.

Jam sot këtu për të përshëndetur përpjekjet e qytetarëve dhe të zyrtarëve të Beratit që kanë bërë përmirësime domethënëse në shkollat e këtij komuniteti.

Kjo arritje është një tregues i mirë që Shqipëria është në rrugën drejt qeverisjes efektive dhe të decentralizuar.

Për të qenë e sigurtë, në pesëmbëdhjetë vitet e fundit, Shqipëria ka lëvizur nga një shtet i centralizuar me pak pavarësi të autoriteteve vendore, drejt një sistemi të decentralizuar me qeverisje të pavarur vendore që kanë autoritet dhe liri të plotë veprimi.

Vetë-qeverisja vendore është kritike për një demokraci dhe një gur themeli për asistencën e Qeverisë së Shteteve të Bashkuara për Shqipërinë. Qëllimet e Misionit të USAID-it në këtë vend janë mbështetja për decentralizimin, përkrah reformave për të fuqizuar shtetin ligjor, për të përmirësuar shërbimet shoqërore siç janë shëndetësia dhe arsimimi, si dhe për të ndihmuar në tranzicionin demokratik të Shqipërisë.

Përmes Projektit të LGDA-së të USAID-it ne po punojmë në partneritet me zyrtarë dhe organizata në qytete në gjithë Shqipërinë për të vënë në vend përbërisit legjislativë të procesit të decentralizimit.

Do të dëshiroja të theksoja që ky proces është i një natyre pjesëmarrëse, në të cilin komunikimi ndërmjet qytetarëve dhe qeverisë vendore prodhon rezultate të dukshme dhe të prekshme.

Ky projekt ka dhënë rezultat në përmirësimin e shkollave në të cilat arsimohen fëmijët shqiptarë duke zhvilluar standarde të reja më të sakta për sigurinë dhe shëndetin e tyre.

Prandaj, ju faleminderit për gadishmërinë tuaj për të bashkëpunuar me ne dhe faleminderit Bashkisë dhe qytetarëve të saj që kanë punuar së bashku për të promovuar qeverisjen e mirë për edukimin e fëmijëve tuaj.