Foto nga: Nisma Ligjore për të Drejtat e Grave   Nisma Ligjore për të Drejtat e Grave mështetur prej USAID-it mblodhi 20,000 firma prej qytetarëve shqiptarë, të cilët kërkonin mbrojtje të gruas në familje. Pas miratimit të ligjit në dhjetor 2006, USAID-i mbështeti Qendrën për Nisma Ligjore Qytetare që të vazhdonte lobimin dhe fushatën ndërgjegjësuese kundër dhunës në familje. Qendra siguron asistencë për mesatarisht 4 deri në 5 gra në ditë.

Dhuna në Familja “Goditet” prej Peticionit të Qytetarëve

Dhuna në Familja “Goditet” prej Peticionit të Qytetarëve

20,000 qytetarë nënshkruajnë peticioni për mbrojtjen ligjore të grave në Shqipëri

Sot, fatkeqësisht si përgjatë shumë ditëve, avokatë të Qendrës për Nisma Ligjore Qytetare në Tiranë u japin këshilla ligjore grave që shpresojnë t’i shpëtojnë abuzimit fizik dhe emocional në jetën e tyre.

“Në Qendrën tonë shohim të vijnë thuajse katër gra të reja çdo ditë, të cilat kërkojnë këshillë ligjore për veten dhe për fëmijët e tyre”, - tha Aurela Anastasi, pedagoge në Fakultetin e Drejtësisë dhe drejtoreshë ekzekutive e Qendrës për Nisma Ligjore Qytetare. “Me ligjin e ri, kjo Qendër ka tani fuqinë për të bërë më shumë që t’i ndihmojë ato”.

Vëzhgimet e ndërmarra prej Qendrës tregojnë se afro 15 për qind e grave dhe e vajzave rurale vuajnë dhunë fizike, ndër të cilat më shumë së gjysma raportojnë dhunë ekonomike ose psikologjike. Në dhjetor 2006, Shqipëria, një prej vendeve të fundit evropiane pa një ligj për dhunën në familje, miratoi ligjin “Për Masa ndaj Dhunës në Marrëdhëniet Familjare” në legjislacionin shqiptar.

Projekti  dy vjeçar “Nisma Ligjore për të Drejtat e Grave” të USAID-it ishte i dobishëm në hartimin e ligjit, në rritjen e ndërgjegjësimit publik, si dhe në organizimin e peticionit qytetar, i cili bëri që ligji të merrej në konsideratë për miratim nga Parlamenti. Projekti mblodhi 20,000 firma prej shqiptarëve të cilët besonin në rëndësinë e një ligji që mbron të drejtat e grave, brenda dhe jashtë familjes.

“Ky ligj mbi dhunën në familje është i pari dhe deri më tani, është e vetmja herë që një ligj është prezantuar përmes peticionit të 20,000 firmave”, - shpjegon Aurela Anastasi. “Kjo është dëshmi e vërtetë e demokracisë që funksionon”.

Për shkak të lobimit të koordinuar mbështetur përmes një granti dhënë Qendrës nga program FORECAST i USAID-it, ligji u miratua në parlament dhe u përhap në qershor. Që nga ky çast, viktimat kanë qenë në gjendje të marrin mbrojtje prej gjykatave në ndjekje të çështjeve civile penale. Paralajmërime ose urdhëra ndalues mund të vendosen mbi abuzuesin, ndërsa ligji parashikon që nëse abuzuesi dhunon urdhër ndalimin, ai mund të arrestohet dhe të ndiqet penalisht. 

Granti i ka mundësuar gjithashtu Qendrës të zhvillojë forma lehtësisht të përdorshme për viktimat që kërkojnë mbrojtje dhe zhvillon trajnime për profesionistët ligjorë në Tiranë dhe në Shkodër, në mënyrë që ata të kuptojnë ligjin dhe format e reja, ku të gjitha do të zvogëlojnë pengesat e grave për të kërkuar mbrojtje.