Programi për Arsimin e Lartë dhe Zhvillimin Ekonomik Shqipëri – Hawaii

Kohëzgjatja: Gusht 2008 - Korrik 2011

Partnerë: University of Hawaii (Universiteti i Hawaiit)

• Universiteti Bujqësor i Tiranës, Fakulteti i Ekonomisë Agrare dhe Agrobiznesit
• Ministria e Bujqësisë, Ushqimit dhe Mbrojtjes së Konsumatorit

Fokusi Gjeografik: Tiranë

Përshkrimi:
I bashkëfinancuar prej USAID/Shqipëri dhe prej Byrosë për Zhvillim Ekonomik, Bujqësi dhe Tregti të USAID-it në Uashington, ky aktivitet tre-vjeçar zbatohet prej Universitetit të Hawaiit sipas kontratës mes Këshillit Amerikan për Arsimin/Zyra për Zhvillimin e Arsitimit të Lartë [American Council on Education Office of Higher Education for Development (ACE/HED)] dhe USAID-it. Qëllimi i tij është kontributi i Universitetit Bujqësor të Tiranës (UBT) në zhvillimin ekonomik të Shqipërisë duke fuqizuar kapacitetin e Fakultetit të Ekonomisë Agrare dhe të Agrobiznesit. Objektivi kryesor i programit është të indihmojë UBT-në në përmirësimin e programeve të tij akademike dhe jo-akademike në fushën e ekonomisë dhe të politikave bujqësore, të agrobiznesit dhe të menaxhimit të fermës, të menaxhimit financiar dhe të zhvillimit bujqësor. Përmes këtij programi, USAID-i do të ndihmojë si në transformimin e UBT-së në një qendër burimesh të besueshme që në mënyrë efektive i shërben sektorit bujqësor në Shqipëri, ashtu edhe në ndërtimin e kapacitetit të qeverisë shqiptare në analizimin dhe formulimin e politikave të shëndosha bujqësore. Përveç ndihmës së ofruar për agjencitë e ekstensionit dhe të shoqatave të prodhuesve me trajnime afatshkurtër në menaxhimin e fermës dhe në analizën e tregut, programi do të ofrojë trajnime dhe asistencë teknike në zhvillimin e kurrikulës të nivelit master për UBT-në, të kurseve pasunversitare dhe në përqasjet e mësimdhënies në ekonominë bujqësore, përfshirë këtu kërkimin shkencor më të fundit të vënë në zbatim, metodologji të analizës së tregut dhe të politikave.