Foto nga: Kryqi i Kuq Amerikan

Planifikimi familjar përgjatë brezave

Planifikimi familjar përgjatë brezave

Në fshatin e largët Kacni, i gjendur në rajonin verilindor të Shqipërisë, në Dibër, familjet vazhdojnë të qëndrojnë të lidhura fort për shkak të trashëgimisë përgjatë brezave.

Dhe këtu, si në shumë pjesë të vendit, traditat e hershme dhe historia po ndikojnë në formimin e sjelljeve dhe të normave të burrave dhe të grave të ditëve të sotme, duke përfshirë zgjedhjet e planifikimit familjar.

Sipas vëzhgimeve të fundit1  ka rezultuar se rreth 73 për qind e çifteve shqiptare besojnë se metodat tradicionale janë më efektive se metodat kontraceptive moderne. Si pasojë, ndodhin shtatëzani të padëshiruara dhe abortime, më shpesh në rajonet e largëta në të cilat ka akses të kufizuar qoftë të shërbimeve, qoftë të informacionit mbi praktikat moderne të shëndetit riprodhues.

Tani, përmes mbështetjes së USAID-it dhe të Kryqit të Kuq Amerikan, shqiptarët po mësojnë se si të bëjnë zgjedhje më të shëndetshme, të sigurta dhe moderne kontraceptive për familjet e tyre.

Duke punuar në tre rrethe rurale në rajonin verilindor në Shqipëri, Projekti pesëvjeçar i Mirëqenies së Fëmijëve Shqiptarë i USAID-it, nisi një fushatë për të rritur përdorimin e kontraceptivëve modernë prej grave në moshë riprodhuese. Përmes rrjetit të grupeve mbështetëse të planifikimit familjar dhe të këshillimit në nivel familjeje, mbi 400 gra kanë mësuar mbi shumë metoda të sigurta dhe efektive kontracepsioni, ku përfshihet edhe prezantimi i një kontracepsioni natyral për t’iu përgjigjur frikës së çifteve ndaj efekteve anësore të përdorimit të meto-dave moderne.

Sipas një vëzhgimi të kryer për familjet në qershor të vitit 2008 rezultoi se shkalla e përdorimit të kontraceptivëve është dyfishuar në pesë vite, si pasojë e përpjekjeve të projektit. 

1 Ministria e Shëndetësisë dhe Qendra për Kontrollin e Sëmundjeve, 2005. Vëzhgimi i Shëndetit Riprodhues, Shqipëri 2002. (Maj). Përmbledhje ekzekutive, faqe iii-vii.