Njoftim për ShtypPublikimi i Raportit të ri të USAID-it mbi luftën kundër trafikimit të qenieve njerëzore

Publikimi i Raportit të ri të USAID-it mbi luftën kundër trafikimit të qenieve njerëzore

Tiranë,  22 janar 2009     Në një konferencë për shtyp, ku mori pjesë Ambasadori i Shteteve të Bashkuara, Z. John L. Withers, II dhe Zëvendës Ministrja e Brendshme, Znj. Iva Zajmi, programi i USAID-it  kundër trafikimit publikoi të rejat e raportit të tij të katërt vjetor mbi "Situatën e përpjekjeve në Shqipëri për luftën kundër trafikimit të qenieve njerëzore". Ky raport ofron një përmbledhje dhe një analizë të programeve dhe politikave anti trafikim në Shqipëri të lidhura në veçanti shërbimet sociale dhe edukimin. Raporti i këtij viti ofron të dhëna të nxjerra veçanërisht nga përvoja e një rrjeti mbarëkombëtar të përbërë nga qeveria dhe organizatat e shoqërisë civile që bashkëpunojnë me programin e USAID-it.

Në këtë konferencë shtypi, Ambasadori Withers nënvizoi rëndësinë e përpjekjeve, si të qeverisë, ashtu dhe të shoqërisë civile, në drejtim të anti-trafikimit.

“Duke bashkuar të dhënat, dhe duke krahasuar analizat dhe përfundimet, si raportet e shoqërisë civile, ashtu dhe ato të qeverisë, përfitojnë një legjitimitet më të madh. Kur kjo përputhshmëri informacioni për të dhënat rreth trafikimit i prezantohet publikut, krijon një besim më të madh në publik përsa i përket informacionit të prezantuar mbi këtë problem” – tha ai.

Zëvendës ministrja Zajmi falënderoi ambasadorin për përkrahjen e vlefshme dhe të vazhdueshme që Ambasada e Shteve të Bashkuara ka dhënë përsa u përket përpjekjeve anti trafikim të qeverisë shqiptare. Sipas Znj. Zajmi, ky raport prezanton “Një analizë shumë të mirë te tendencave të trafikut në qenie njerëzore si dhe një prezantim të mirë të profilit të viktimës, dhe të punës së bërë nga strukturat qeveritare dhe jo-qeveritare në vijim të përmbushjes së detyrimeve dhe përgjegjësive përkatëse.”

Raporti përmban një analizë të dhënash të nxjerra nga rastet e viktimave të trafikuara, të mbledhura nga “Koalicioni Kombëtar i Strehëzave Anti-Trafikim”, të dhëna të cilat bien në kundërshtim me një numër supozimesh gjerësisht të besuara mbi shkaqet dhe cënueshmërinë e trafikut të qenieve njerëzore. Gjetjet kryesore përfshijnë:

• Shumica e viktimave të trafikuara rekrutoheshin në komunitetet e tyre të origjinës, nga dikush që ato(ata) e njihnin personalisht.
• Shumica e viktimave të trafikuara rekrutoheshin nga ato zona të vendit që janë më të urbanizuara dhe nga ato qarqe që janë në gjendje më të vështirë ekonomike.
• Më shumë se gjysma e viktimavë të trafikuara, të asistuara në strehëza, e kanë përfunduar edukimin e detyrueshëm.
• Mbi 90% e viktimave të trafikuara, të asistuara në strehëza, vijnë nga komuniteti shqiptar dhe vetëm 9% vijnë nga komunitetet e minoriteteve rome dhe egjiptiane-ballkanase.

Situatën e përpjekjeve në Shqipëri për luftën kundër trafikimit të qenieve njerëzore[2.52MB]

# # #

Programi KVKTNj i USAID-it synon të luftojë trafikimin e grave dhe të fëmijëve duke e shtrirë ndikimin e tij në shoqërinë shqiptare nëpërmjet aktiviteteve që synojnë përfshirje në nivel të komuniteteve lokale, në nivel rrethi dhe në nivel kombëtar. Për informacion të metejshëm rreth raportit të KVKTNj-së dhe Situatës së Përpjekjeve në Shqipëri për Luftën Kundër Trafikimit të Qenieve Njerëzore 2007-2008, si dhe mbi programin KVKTNj, ju lutemi të telefononi Znj. Ines Xhelili, Koordinatore e Programeve Lokale të KVKTNj-së, në nr. e cel. 068 20 60 635, ose të vizitoni faqen web të KVKTNj-së: www.caaht.com