USAID-i dhe ILDKP-ja Mbështësin Rolin e Medias dhe Shoqërisë Civile në Luftën Kundër Korrupsionit

USAID-i dhe ILDKP-ja Mbështësin Rolin e Medias dhe Shoqërisë Civile në Luftën Kundër Korrupsionit

Vlorë, 29 janar 2009   Sot, Programi i USAID-it për Shtetin Ligjor, në bashkëpunim me Inspektoratin e Lartë të Kontrollit dhe Deklarimit të Pasurive (ILDKP) organizuan në Vlorë një seminar mbi Konfliktin e Interesave (KI) dhe Deklarimin e Pasurive. Ky është seminari i dytë i mbështetur nga USAID-i dhe ILDKP-ja që synon të rrisë njohuritë mbi ligjet që rregullojnë konfliktin e interesave dhe deklarimin e pasurive si dhe bashkëpunimin me shoqërinë civile dhe median në zbulimin dhe denoncimin e rasteve të korrupsionit. 

Në seminar morën pjesë përfaqësues nga organizatat vendore të shoqërisë civile, gazetarë dhe zyrtarë të qeverisjes vendore të katër bashkive, komunave nga qarqet e Fierit dhe Vlorës.

Në fjalën e hapjes, z. Fred Yeager, Drejtori i "Programit për Shtetin Ligjor" të USAID-it, inkurajoi pjesëmarrësit në rolet e tyre për të investiguar dhe denoncuar korrupsionin e zyrtarëve publikë. 

“Përfshirja qytetare në evidentimin dhe parandalimin e rasteve të tilla ndihmon dhe mbështet ILDKP-në në përpjekjet e saj për zbatimin e ligjeve që lidhen me konfliktin e interesit dhe deklarimin e pasurive dhe ndikon në minimizimin e korrupsionit,” tha Yeager.

Në fjalën e tij, z. Llalla, Inspektor i Përgjithshëm i ILDKP-së, njohu rëndësinë e organizatave vendore dhe medias në promovimin e transparencës dhe përgjegjshmërisë të zyrtarëve publike.

Programi i USAID-it punon me gjykatat, institucionet mbikëqyrëse, siç është ILDKP-ja dhe organizatat monitoruese për të luftuar korrupsionin në sektorin publik në Shqipëri.

# # #