Agrobizneset lançojnë një markë të re kombëtare për produkte ushqimore

Tiranë, 8 maj 2009    Me mbështetje nga USAID, disa agrobiznese shqiptare lançuan një markë të re kombëtare për të promovuar produktet ushqimore dhe bujqësore të cilësisë së lartë. Marka “Shija Shqiptare” u lançua në kuadrin e Panairit Ndërkombëtar "Balkan Modus Nutriendi" organizuar tek Hotel Rogner. Agrobiznese kryesore dhe përpunues ushqimi do të jenë në gjendje të promovojnë produktet me vlerë të lartë dhe të kapin mundësi tregjesh më të gjera përmes kësaj marke të re.

“Produktet ushqimore dhe bujqësore shqiptare kanë nevojë për më shumë njohje të origjinës në mënyrë që të kenë avantazhe konkuruese dhe të diferencohen në tregjet rajonale dhe ndërkombëtare,”- tha Zv. Drejtori i Misionit të USAID-it, z. John Brannaman. “Përmes kësaj marke të re, USAID-i i pajis prodhuesit e cilësisë së lartë me një mjet të nevojshëm për të kapur tregje të sofistikuara dhe të veçanta”.

USAID-i ka mbështetur sektorin e bujqësisë dhe ushqimit në Shqipëri duke asistuar me teknologji të reja prodhimi dhe strategji efektive marketingu. Përmes Programit për Konkurrueshmërinë e Bujqësisë, USAID ka zgjeruar mundësitë e tregjeve për prodhuesit, tregëtarët dhe përpunuesit. Prodhues të vajit të ullirit, të ullirit, të fruta-perimeve, të bulmetit, si dhe përpunues mishi, janë disa agrobiznese të mbështetura përmes markës “Shija Shqiptare”.