Foto nga: Paul Cohn

USAID Eksploron Mundësi për Produktet Shqiptare në Industrinë Ushqimore me Pakicë

TIRANE 25 SHTATOR, 2009  Sot, Programi i USAID-it, Konkurrueshmëria e Bujqësisë Shqiptare, organizoi një forum specific me liderë të biznesit dhe ekspertë të bujqësisë me temë: mundësitë e zhvillimit të tregjeve për produktet bujqësore shqiptare. Aktiviteti u zhvillua si pjesë përbërëse e Panairit Kombëtar të Produkteve Bujqësore, organizuar nga Këshilli i Agrobiznesit Shqiptar (KASH). Z. Genc Ruli, Ministër I Bujqësisë, Ushqimit dhe Mbrojtjes së Konsumatorit dhe Zj. Roberta Mahoney, Drejtore e Misionit të USAID-it, hapën aktivitetin.

“Sot, fermerët dhe tregtarët shqiptarë kanë më shumë mundësi të angazhohen në bujqësinë komerciale, të depërtojnë në tregjet me vlera të larta dhe të shndërrohen në aktorët kyç të zhvillimit të ekonomive rurale,” tha Zj. Mahoney. “Fermerët dhe agrobizneset duhet të vazhdojnë të përmirësojnë rendimentet dhe cilësinë e produkteve të tyre, si edhe të përdorin informacionin e tregut për të maksimizuar avantazhet e tyre konkurruese”.

Gjatë këtij aktiviteti, Programi AAC i USAID-it paraqiti një prezantim lidhur me perspektivat e tregut për një sërë komoditetesh me rëndësi ekonomike për Shqipërinë. Sipas analizave të kryera, ekzistojnë shumë mundësi prej të cilave mund të përfitojnë tregtarët shqiptarë, sidomos për produktet e hershme dhe të vona. Po ashtu, ekzistojnë mundësi për zëvendësimin e importeve nëpërmjet rritjes së cilësisë, për produkte të tilla si mollët dhe agrumet. Tregjet e synuara, që përshkruhen nga programi AAC, përfshijnë tregjet ndërkombëtare me pakicë, tregjet ushqimore me shumicë vendase, si edhe tregtarët lider me pakicë.