Foto nga: USAID/Shqipëri

Koordinimi i Veprimeve Kundër Trafikimit Njerëzor

Kohëzgjatja: Shtator 2003 - Shtator 2009

Zbatuesi:  Creative Associates International, Inc

Partnerë: Encompass 
               Qendra Burimore e Trajnimit Kombëtar Shqiptar
               dhe e Asistencës Teknike 
               Instituti për Kërkime dhe Alternativa Zhvillimi

Fokusi gjeografik:  Shqipëria veriore, qendrore dhe jugore

Përshkrimi:

Në shtator të vitit 2006 këtij projekti trevjeçar iu shty afati i përfundimit deri në vitin 2009. Ky program synon të sigurojë një mekanizëm që të rrisë më tej bashkëpunimin ndërmjet OFJ-ve të anti-trafikimit, përfaqësuesve të qeverisë lokale dhe të donatorëve për të zvogëluar numrin e personave të trafikuar në Shqipëri dhe për të rritur numrin e viktimave të riintegruara në komunitetet e tyre. Përmbushja e këtyre objektivave përfshin rritjen në mënyrë sistematike të kapacitetit të grupeve lokale për të luftuar shpeshtësinë dhe efektet e trafikimit, ndërsa nga ana tjetër lehtëson rritjen e bashkëpunimit ndërmjet OJF-vë, donatorëve dhe qeverisë lokale.

Objektivat e Programit:

• Koordinimi (në nivel kombëtar, qarku dhe lokal) i kontribuesve të qeverisë së Shqipërisë, të shoqërisë civile dhe të palëve ndërkombëtare të interesuara në përmirësimin e programeve që shkurajojnë trafikimin, ndihmojnë dhe riintegrojnë viktimat dhe zvogëlojnë ri-trafikimin;
• Fuqizimi i cilësisë dhe i shpërndarjes gjeografike të programeve të parandalimit dhe të ndihmës ndaj viktimave dhe i shërbimeve riintegruese përmes dhënies së granteve;
• Përforcimi i mbledhjes dhe i analizës së të dhënave për të rritur shkëmbimin e informacionit dhe për ndërtimin e konsensusit, teksa monitorohen zhvillimet e programeve të Shqipërisë për parandalimin e trafikimit dhe për asistencë/riingetrim.

Arritjet kryesore:

• Gjatë tre viteve të para të projektit u shpërndanë 23 grante, të një shume përafërsisht prej 2.1 milionë dollarësh, për të mbështetur aktivitet për parandalimin, riintegrimin e viktimave dhe ndërtimin e kapaciteteve të OJF-ve lokale dhe ndërkombëtare, dhe ndërtimin e kapaciteteve të OJF-ve dhe organizatave lokale dhe ndërkombëtare, që punojnë për të ndihmuar sa më mirë shoqërinë shqiptare.
• 50,100 persona morën pjesë në programet për parandalimin e trafikimit të zhvilluara nga 15 OJF në të 12 qarqet e Shqipërisë.
• Një sondazh i zhvilluar mbi pyetësorët e bërë me pjesëmarrësit në programet e parandalimit të grant-marrësve të KVKTNj-së në mbarë vendin, tregoi që 84% e atyre që iu përgjigjën raportuan që aktiviteti u drejtonte atyre një mesazh specifik.
• Njëzetë e një pjesëmarrës nga ata që kishin ndërmarrë një veprim, patën idenfikuar një rast në rrezik trafikimi dhe kishin ofruar ndihmën e tyre.
• U trajnuan 1,855 zyrtarë, duke përfshirë trajnimin e policisë për zotërimin e teknikave të intervistimit “miqësore ndaj fëmijëve” dhe prezantimit të çështjeve dhe të mesazheve anti-trafikuese dhe mbrojtëse të fëmijëve për mësuesit.
• Shoqëria civile u dha asistencë dhe shërbime riintegrimi 313 viktimave (gra dhe fëmijë).
• Gjatë konkurimit për grante, të paraqitur në pranverën e vitit 2007,  është parashikuar shpërndarja e rreth 12 granteve për një shumë prej 400,000 dollarësh për të mbështetur aktivitetet për parandalimin, për riintegrimin e viktimave dhe për ndërtimin e kapaciteteve të OJF-ve lokale e ndërkombëtare dhe organizatave që punojnë për të ndihmuar sa më mirë shoqërinë shqiptare.
• Mbështeti krijimin e Grupeve Rajonale Bashkëpunuese në Luftën Kundër Trafikimit Njerëzor, në bazë të Urdhërit Administrativ të lëshuar nga kryeministri në qershor të vitit 2006, për të 12-të qarqet e vendit. Siguron asistencë teknike të vazhdueshme për Komitetet Rajonale.
• Botoi "Raportin Vjetor të Situatës së Përpjekjeve Anti-Trafikim në Shqipëri", që ravijëzojnë përpjekjet anti-trafikim të organizatave përkatëse në tërë Shqipërinë.

Për të mësuar më tepër mbi punën e grantmarrësve të KVKTNj-së në mbarë vendin, lutemi të vizitoni faqen e internetit të KVKTNJ: http://www.caaht.com/.