Indeksi i Reformës Gjyqësore

Kohëzgjatja:  Gusht 2006 – Mars 2009 (mbyllur)

Partner:  Organizata e Juristëve Amerikanë/Nisma Ligjore 
               për Vendet e Evropës Qëndrore dhe Euroazisë (ABA/CEELI)

Fokusi gjeografik:  Kombëtar

Përshkrimi:
Projekti financon hartimin dhe publikimin e Indeksit të Reformës Gjyqësore (IRGJ). IRGJ është një mjet novator i zhvilluar prej CEELI-it për të vlerësuar reformën gjyqësore dhe pavarësinë gjyqësore në demokracitë e reja dhe në vendet në tranzicion. Ai u ofron organizatave ndërkombëtare, agjencive të zhvillimit, dhënësve të asistencës ligjore teknike dhe reformuesve lokalë një mjet të besueshëm që synon programet e reformës gjyqësore dhe monitoron përparimin drejt krijimit të sistemeve gjyqësore më përgjegjëse, më efektivë dhe më të pavarura. ABA/CEELI zbatoi fillimisht Indeksin e Reformës Gjyqësore (IRGJ) në Shqipëri në vitin 2001 dhe sërish në vitin 2004. Ky projekt do të mundësojë publikimin e IRGJ-së së tretë dhe të katërt për të matur përparimin e gjyqësorit shqiptar gjatë viteve të fundit.

IRGJ vlerëson reformën gjyqësore dhe pavarësinë gjyqësore nëpërmjet një prizmi prej tridhjetë faktorësh, të cilët matin cilësinë, edukimin dhe larminë e gjyqtarëve, forcat gjyqësore, buxhetin e gjyqësorit, masa stukturore sigurimi, transparencë dhe efikasitetin e gjyqësorit. USAID-i pret që raportet IRGJ të ushqejnë debatin konstruktiv gjyqësor.

IRGj-të mund t'i vizitoni në internet në http://www.abaceeli.org/jri