Foto nga: USAID/Shqipëri   Si njëri prej donatorëve më të mëdhenj në Shqipëri që fokusohet në anti trafikimin dhe në përmirësimin e kushteve të qytetarëve në rrezik, USAID-i dhe partnerët e tij përdorin përqasje novatore shumësektoriale për të ndryshuar ligjet, sistemet dhe qëndrimet që zgjasin dhunën ndaj gruas në Shqipëri.

16 Ditë Aktivizmi Kundër Dhunës Gjinore

USAID Shqipëri iu bashkua komunitetit global në respektimin e 16 ditëve të Aktivizmit kundër Dhunës Gjinore gjatë periudhës 25 nëntor deri më 10 dhjetor 2008.

Duke filluar që nga Dita Botërore për Eliminin e Dhunës ndaj Gruas dhe duke përfunduar me Ditën Botërore të të Drejtave të Njeriut, 16 Ditë Aktivizmi është një fushatë ndërkombëtare për të ofruar një forum avokatie për mbështetjen e të mbijetuarve, duke kërkuar më shumë përpjekje parandaluese, më shumë këmbëngulje për reforma ligjore dhe gjyqësore, si dhe duke përdorur instrumentat e të drejtave ndërkombëtare të njeriut për t’iu adresuar kësaj çështjeje. Këtë vit fushata thërret për vëmendje të veçantë ndaj qëndrimeve dhe politikave sociale që vazhdojnë të falin dhe të zgjasin pambarimisht abuzimin.

Si njëri prej donatorëve më të mëdhenj në Shqipëri që fokusohet në anti trafikimin dhe në përmirësimin e kushteve të qytetarëve në rrezik, USAID-i dhe partnerët e tij përdorin përqasje novatore shumësektoriale për të ndryshuar ligjet, sistemet dhe qëndrimet që e zgjasin këtë dhunë. Dhuna gjinore përfaqëson një gamë të gjerë veprimesh që përfshin dhunën në familje, përdhunimin, shfrytëzimin dhe trafikimin e grave, si dhe zgjatjen e vazhdueshme të praktikave dëmtuese tradicionale duke përfshirë martesën e hershme dhe të detyruar. Këto abuzime sfidojnë në mënyrë domethënëse mirëqenien dhe zhvillimin e shëndetshëm për gratë dhe vajzat. Ato gjithashtu kontribuojnë thellësisht në HIV/SIDA-n, sëmundshmërinë e nënës, varfërinë, rrezikshmërinë në konfliktet e armatosura dhe në nevojat e papërmbushura për planifikim familjar.

Përqasja e suksesshme shumësektoriale e USAID-it përmirëson sistemet që iu përgjigjen viktimave dhe u ofron atyre mbështetjen dhe shërbimet që u nevojiten për të rindërtuar jetën e tyre. Përmes aktiviteteve krijuese të komunikimit që sjellin ndryshim sjelljeje, vëmendja përqendrohet në rolet dhe në sjelljet që kontribuojnë në kulturën e dhunës. Këto programe adresojnë ndërhyrjet e nevojshme shoqërore, kultorore, edukative dhe shëndetësore që nevojiten për të ndryshuar mendësitë, sjelljet dhe strukturat ligjore. Përmes ndihmës së USAID-it, vendet kanë zhvilluar legjislacionin kyç për t’iu përgjigjur çështjeve të dhunës gjinore siç është dhuna në familje, ngacmimi seksual dhe trafikimi i qenieve njerëzore.

Këto përpjekje jo vetëm që kanë përmirësuar shëndetin e grave dhe të vajzave, por u kanë mundësuar atyre të arsimohen dhe të marrin pjesë në shoqëri të mbrojtura nga kërcënimet fizike. Këto 16 Ditë Aktivizmi shërbejnë si një kujtesë e përpjekjeve që po zhvillohen në mbarë botën për të rritur sensibilizimin që dhuna kundrejt grave dhe vajzave është e papranueshme, sepse ajo dëmton zhvillimin dhe shkatërron jetë.

A e dini se çfarë është Dhuna Gjinore?
Dhuna gjinore reflekton dhe përforcon pabarazitë mes burrave dhe grave dhe kompromenton shëndetin, dinjitetin, sigurinë dhe autonominë e viktimave të saj. Kjo dukuri përfshin një fushë të gjerë të veprimeve të dhunshmë, që përmbledhin:

• Dhuna në familje
• Përdorimi i përdhunimit dhe të formave të tjera të dhunës seksuale si mjet lufte
• Gjymtimi/prerja e organeve gjenitale femërore
• Dhuna e lidhur me pajën
• Martesa e fëmijëve
• Trafikimi i vajzave dhe i grave
• Krimet për nderin
• Rrëmbimi i nuses
• Martesa e detyruar
• Trashëgimi i gruas
• Ngacmimi seksual
• Përdhunimi gjatë një takimi shoqërimi
• Sterilizimi i detyruar apo praktika të tjera shtrënguese riprodhuese

Për më shumë informacion rreth programeve të USAID-it, ju lutemi të vizitoni:
http://www.usaid.gov/our_work/cross-cutting_programs/wid/16days_pubs.html
http://www.usaid.gov/our_work/global_health/pop/news/16days/index.html
http://www.usaid.gov/our_work/cross-cutting_programs/wid/gbv/16days.html
http://www.usaid.gov/our_work/cross-cutting_programs/wid/16days.html

Grupin e Punës Ndërlidhës të Agjencive për Çështjet Gjinore  (Interagency Gender Working Group): http://www.igwg.org/
IGWG u krijua në vitin 1997 si një rrjet që përbëhet prej agjencive bashkëpunuese të USAID-it, OJF-ve dhe Byrosë për Shëndetin Global të USAID-it. IGWG promovon barazinë gjinore brenda popullatës, shëndetin dhe programet e ushqimit, me qëllim përmirësimin e shëndetit riprodhues dhe shmangien e pasojave të HIV/SIDA-s si dhe forcimin e zhvillimit të qëndrueshëm.

Qendrën për Lidershipin Global të Grave (Center for Women’s Global Leadership):http://www.cwgl.rutgers.edu/
Qendra për Lidershipin Global të Grave, themeluesja e fushatës 16 Ditë Aktivizmi, u krijua në vitin 1989 për të studiuar dhe për të promovuar mënyrën se si gratë drejtojnë dhe për të zhvilluar programe që i përgatisin gratë e çdo moshe për të udhëhequr me eficiencë.